հայերեն

Ողջո՛ւյն: Ես նահանգային սենատոր Մարիա Էլենա Դուրացոն եմ: Հպարտ եմ, որ ներկայացնում եմ սենատի ընտրությունների 24-րդ ընտրական տեղամասը, որը ներառում է Լոս Անջելեսի Բոյլ Հայթս, էլ Սեռենո, Հայլընդ Պարկ, Իգլ Ռոք, Գլասսել Պարկ, Մաունթ Վաշինգտոն, Սայպրեսս Պարկ, Լինքոլն Հայթս, Ատուոթեր Վիլիջ, Էլիզիան Վելի, Առլինգթոն Հայթս, Էքո Պարկ, Սիլվեր Լեյք, Լոս Ֆելիս, Արևելյան Հոլիվուդ, Փոքր Հայաստան, Թայ Թաուն, Լարչմոնտ, Կորեական Թաուն, Պիկո-Յունիոն, Ուեսթլեյք-Մակարթուր Պարկ, Պատմական Ֆիլիպինյան Թաուն, Չայնա Թաուն, Փոքր Տոկիո, Արթս Դիսթրիկտ, Սիվիք Սենթր, Սիթի Տեռաս և Արևելյան Լոս Անջելես թաղամասերը:

Ես պատրաստ եմ աշխատել մեր համայնքի համար նահանգային սենատում: Անհամբերությամբ սպասում եմ, թե երբ եմ աշխատելու օրենսդրոթյան վրա, որն իր դրական ազդեցությունը կունենա և՛ մեր համայնքների, և՛ Կալիֆորնիայի վրա: Հաճախակի հետևեք թարմացումներին՝ իմանալու, թե ինչի վրա է աշխատում իմ գրասենյակը 24-րդ նահանգային ընտրատեղամասի մարդկանց համար: Մինչդեռ եթե տեղական կամ նահանգային ծառայությունների հետ կապված օգնության կարիք ունեք, խնդրում ենք կապ հաստատել (213) 483-9300 հեռախոսահամարով:

Հարգանքով՝

Նահանգային սենատոր Մարիա Էլենա Դուրացո


Մարիա Էլենան միգրանտ աշխատող ծնողների ընտանիքում յոթ երեխաներից ամենավերջինն է: Մեծանալով Մարիա Էլենան ճամփորդել է իր ընտանիքի հետ՝ զբաղվելով բերքահավաքով Կալիֆորնիայում ու Օրեգոնում և ենթարկվելով շահագործման ու դժվարին պայմանների, որոնցից տանջվում են աշխատանքային միգրանտները:

Չնայած այս խոչընդոտներին Մարիա Էլենան Կալիֆորնիայի Մորագա քաղաքում հաճախել է Սուրբ Մարիի քոլեջ և ավարտել է այն 1975 թ-ին: Քոլեջում նա ներգրավվում է Չիկանոյի շարժման մեջ իր ավագ եղբոր հարկադրմամբ: Այնուհետև Կանացի դերձակների միջազգային արհմիությունում (հետագայում վերանվանվել է՝ UNITE – Կարի և տեքստիլ արտադրության ու արդյունաբերության աշխատակիցների միություն) ընդգրկվում է արհմիության շարժման մեջ որպես կազմակերպիչ:

Աշխատելով որպես միության կազմակերպիչ նա սովորում է Ազգային իրավաբանական քոլեջում և վաստակում է իր գիտական աստիճանը 1985 թ-ին:

Արդեն 1987 թ-ին Մարիա Էլենան պատրաստ էր ղեկավարել HERE Local 11-ի շարքային աշխատակիցների ընկերությունը՝ դարձնելով միությունն ավելի արձագանքող իր լատինաամերիկյան անդամների մեծամասնության համար: Ընկերության կազմակերպումը հաջողությամբ հիմնեց արհմիության ներկայացուցչական համակարգ, որը սովորեցնում էր շարքային աշխատակիցներին իրենց իրավունքների մասին, աշխատակիցներն այժմ ի վիճակի էին մասնակցել՝ բանակցելով միության իրենց պայմանագրերի շուրջ, և այդուհետ բոլոր հանդիպումները և հրապարակումները կազմվում էին երկլեզու:

2004 թ-ին նա դարձավ միջազգային UNITE-HERE-ի գործադիր փոխնախագահ, կազմակերպություն, որը կազմված էր UNITE և HERE միությունների միաձուլումից:

2008 թ-ին Մարիա Էլենա Դուրացոն ծառայել է որպես Ազգային դեմոկրատական կոմիտեի փոխնախագահ և Բարաք Օբամայի նախագահական քարոզարշավի ազգային կենտրոնի համանախագահ:

2006-2014 թվականներին նա Լոս Անջելեսի շրջանի Աշխատանքային ֆեդերացիայի առաջին կին քարտուղար գանձապետն էր, AFL-CIO՝ երկրի երկրորդ ամենամեծ աշխատանքային խորհուրդը և ծառայել է ազգային AFL-CIO-ի գործադիր խորհրդում:

Բացի նրա միության աշխատանքից Մարիա Էլենան ծառայել է մի շարք քաղաքացիական հանձնաժողովներում և խորհրդներում: Լոս Անջելեսի քաղաքապետ Թոմ Բռեդլին նրան նշանակել է Լոս Անջելեսի օդանավակայանների հարցերով զբաղվող հանձնաժողովում, քաղաքապետ Ռիչարդ Ռիորդան նրան աշխատանքի է նշանակել Լոս Անջելեսի զբոսայգիների և հանգստի կոմիտեում, ինչպես նաև նա ծառայել է Կալիֆորնիայի նահանգի ափամերձ գոտու օգտագործման վերահսկման հանձնաժողովում:  

Մարիա Էլենան ամուսնացել է միության վերջին ղեկավար Միգել Կոնտռեռասի հետ, ով 1996 թ-ից ծառայել է Լոս Անջելեսի Աշխատանքային ֆեդերացիայում որպես գործադիր տնօրեն և գանձապետ մինչև իր անժամանակ մահը 2005 թ-ի մայիսի 6-ը: Միգել Կոնտռեռասից ունի երկու երեխա՝ Մարիո և Մայքլ Կոնտռեռասները:


Շրջանային անձնակազմը կարող է օգնել Ձեզ պետական հարցերով

  • Ավտոմոբիլային տրանսպորտային միջոցների բաժին
  • Գրավադրված գույքի սեփականեցմանն ուղղված ծրագրեր
  • Սպառողների բողոքներ
  • Վետերանների նպաստներ
  • Գործազրկություն և հաշմանդամների ապահովագրություն
  • Պետական տուրքեր
  • Պրոֆեսիոնալ էթիկա կամ բողոքների արտոնագրում
  • Medi-Cal և Կալիֆորնիայի ապահովագրական ծածկույթ

Համայնքային ռեսուրսներ

  • Կացարանի/ կոմունալ ծախսերի հարցեր
  • Ընտանեկան/ համայնքային աջակցություն
  • Սնունդ/ ուտելիք
  • Իրավական/ սպառողների/ հանրային անվտանգություն
  • Առողջապահություն
  • Շահույթի աջակցում/ օգնություն
  • Հագուստ/ անձնական / կենցաղային հարցեր
  • Հոգեկան առողջություն/ թմրամոլություն
  • Զբաղվածություն

Կապ հաստատեք շրջանային գրասենյակի հետ (213) 483-9300 հեռախոսահամարով

Կապիտոլիումի անձնակազմը կարող է օգնել օրենսդրական հարցերով

  • Կարծիք արտահայտել
  • Նոր օրենք առաջարկել
  • Խնդրել օրինագծերի պատճենները, ամփոփագրերը և դրանց մասին տեղեկություններ
  • Ներգրավվել օրենսդրական գործընթացում
  • Գտնել տեղեկություններ, թե ինչպես է օրինագիծը դառնում օրենք
  • Ծանուցում ստանալ օրենսդրական լսումների վերաբերյալ
  • Զեկուցել գործակալությանը ոչ օրինաչափ գործողությունների վերաբերյալ

Կապ հաստատեք Կապիտոլիումի գրասենյակի հետ (916) 651-4024 հեռախոսահամարով